بانی کشمیر سردار ابراہیم خان کی قربانیاں ناقابل فراموش ہیں: مشعال ملک

اسلام آباد: (دنیا نیوز) حریت رہنما یاسین ملک کی اہلیہ مشعال ملک نے کہا ہے کہ بانی کشمیر سردار ابراہیم خان کی قربانیاں ناقابل فراموش ہیں۔

سردار ابراہیم خان کی برسی پر اپنے بیان میں مشعال ملک کا کہنا تھا کہ قرارداد الحاق پاکستان کے معمار کو قوم کا سلام، پونچھ بغاوت کے ہیرو، سردار ابراہیم نے آزادی کشمیر کا سفر شروع کیا، سردار ابراہیم خان آزاد کشمیر کے پہلے صدر، تحریک آزادی کا ہراول دستہ، غازی ملت ہیں۔

انہوں نے کہا کہ کشمیر کی آزادی کا ہر ورق سردار ابراہیم کی قربانیوں سے روشن ہے، غازی ملت کا خواب مکمل آزاد کشمیر تھا۔

مشعال ملک کا کہنا تھا 31 جولائی کشمیری قوم کے عظیم سپوت کی یاد میں ہر سر جھکتا ہے، سردار ابراہیم خان وہ چراغ جو آج بھی مشعل راہ ہے۔