پاک بھارت میچ آج دوبئی میں ہو گا، عوام پرجوش

اسلام آباد (ثاقب علی راٹھور)آسی سی چیمپئنز ٹرافی کا سب سے بڑا ٹاکرا آج پاکستان اور بھارت کی ٹیموں کے درمیان دبئی میں ہو گا۔دونوں ٹیموں نے جیت کیلئے بھرپور تیاری کی ہے ، دبئی کے انٹرنیشنل کرکٹ اسٹیڈیم میں اس بڑے مقابلے کے لیے دونوں ٹیموں کے کھلاڑیوں نے آخری تیاریوں کے طور پر پریکٹس کی۔ بابر اعظم ٹریننگ کے لیے باہر نہیں آئے، انہوں نے ہوٹل میں ہی فزیکل ٹریننگ کی۔بھارت بنگلہ دیش کیخلاف اپنا پہلا میچ جیت چکا ہے ، جبکہ پاکستان کو پہلے میچ میں شکست ہوئی ہے اسلئے پاکستان کے پاس غلطی کی گنجائش نہیں ۔چیمپئنز ٹرافی ایونٹس میں دونوں ٹیمیں 5 بار آمنے سامنے آئی ہیں جن میں سے 3 بار پاکستان جبکہ 2 بار بھارت کو فتح حاصل ہوئی۔