مقبوضہ جموں وکشمیر :نامعلوم افراد نے سیب کے بیسیوں درخت کاٹ دیے

سری نگر : بھارت کے غیر قانونی زیر قبضہ جموں کشمیر میں نامعلوم افراد نے ضلع اسلام آباد کے علاقے سلیگام ڈنگر پورہ میں سیب کے بیسیوں درخت کاٹ ڈالے ۔ بھارتی فورسز اہلکار کشمیریوں کو معاشی طور پر نقصان پہنچانے کیلئے اس طرح کی کارروائیاں کرتے ہیں۔
کشمیرمیڈیاسروس کے مطابق یہ واقعہ رات کے وقت پیش آیا ،نامعلوم افراد نے باغ میں گھس کر سیب کے درخت کاٹ دیے ۔ درختوں پر سیب لگا ہوا جو اتارے جانے کیلئے تیار تھا۔باغ مالکان کا کہنا ہے کہ وہ اپنی برسوں کی محنت کو راتوں رات تباہ ہوتے دیکھ کرانتہائی غمزدہ ہیں۔انہوںنے کہا کہ یہ ہمیں مالی طور پر برباد کرنے کی دانستہ کوشش ہے۔ ہمارا ذریعہ معاش ہم سے چھین لیاگیا۔انہوںنے کہا کہ اس طرح کی کارروائیوں کا مقصد کشمیر کی معیشت کو تباہ کرناہے۔
سیاسی مبصرین اس کارروائی کو کشمیر کی معیشت کو کمزور کرنےکی کی مذموم بھارتی مہم کے ایک حصے کے طور پر دیکھتے ہیں۔KMS-09/M

The post مقبوضہ جموں وکشمیر :نامعلوم افراد نے سیب کے بیسیوں درخت کاٹ دیے first appeared on (کشمیر میڈیا سروس).