جموں وکشمیر کا ریاستی درجہ اب بحال ہونا چاہیے۔ عمر عبداللہ » (کشمیر میڈیا سروس)

سری نگر: بھارت کے غیر قانونی زیر قبضہ جموں کشمیر کے وزیر اعلیٰ عمر عبداللہ نے بھارتی کی بڑی سیاسی جماعتوں پر زور دیا ہے کہ وہ پارلیمنٹ کے جاری مانسون اجلاس کے دوران مقبوضہ علاقے کی ریاستی حیثیت کی بحالی کے لیے ایک بل پیش کرنے کی حمایت کریں۔
کشمیرمیڈیاسروس کے مطابق عمر عبداللہ نے سرینگر میں صحافیوں سے بات کرتے ہوئے کہا کہ میں نے ان تمام جماعتوں کو ایک خط لکھا ہے جن کی پارلیمنٹ میں اپنے ارکان کی اچھی تعداد ہے اور ان سے درخواست کی ہے کہ وہ جموں و کشمیر کو ریاست کا درجہ دینے کے وعدے کو پورا کرانے میں مدد کریں اور اس معاملے کو پارلیمنٹ میں اٹھائیں تاکہ اس سیشن میں ایک بل لایا جائے اور جموں و کشمیر کو ریاست کا درجہ مل سکے۔
عمر عبداللہ نے کہا کہ ریاست کا درجہ اب بحال ہونا چاہیے ، جموں وکشمیر کے لوگوں سے اسکا وعدہ کیا گیا ہے جو پورا ہونا چاہیے۔